Naarestar ti 30-anyos a lalake, residente ti Arellano Street, Barangay Dagupan Weste, Tabuk City, itay nabiit iti nasao metlaeng a lugar kalpasan a nagreport ti ina daytoy iti kapulisan iti maatap a panagaramat ti suspek iti ilegal a droga.
Maibasar iti report ti kapulisan, nakaawat dagitoy iti awag manipud iti nanang ti suspek kalpasan a maatap a nakitana ti anakna nga agar-aramat ti droga iti uneg ti kwartona.
Dagos met a nagtignay dagiti otoridad a nagresulta iti pannakakumpiska ti tallo a piraso ti heat sealed transparent plastic sachet a naglaon iti maatap a shabu nga addaan iti timbang a 3.8 grams ken addaan pakabuklan nga Standard Drug Price a ₱25, 840.00.
Naiturong ti suspek iti stasyon ti kapulisan para iti umno a dokumentasyon ken temporary custody bayat a dagiti nakumpiska nga ilegal a droga ken maiturnove iti Kalinga Provincial Forensic Unit para iti laboratory.
Manamnama met a mapatawan ti suspek iti kaso a pananglabsing iti Republic Act 9165 wenno Comprehensive Dangerous Drug Act of 2002.
Natiliw ti suspek babaen iti panagresponde ti Tabuk City Police Station, Kalinga Provincial Intelligence Unit and Provincial Drug Enforcement Unit, 1503rd Maneuver Company of the Regional Mobile Force Battalion 15, Regional Intelligence Division of PRO-CAR, ken Kalinga Provincial Logistics Office.//Bombo Noveh Organo
