--Ads--
Indagadag iti Environmental Health and Sanitation Division (EHSD) dagiti nagannak a surwan dagiti ubbing iti umno a panagbuggo iti ima tapno maliklikan dagiti kadawyan a sakit a kas iti diarrhea ken typhoid.
Iti naisayangkat a Balik Eskwela press conference itay kallabes, inlawlawag ni EHSD Head Engr. Albert Pay-an a rumbeng a dumanon iti saan a bummaba iti 20 a segundo ti umno a panagbuggo iti ima.
Nagpalagip metlaeng daytoy kadagiti food handler iti pagadalan a suroten ti umno a kinadalus tapno maliklikan ti food poisoning ken mapagtalinaed ti kinatalged dagiti estudiante.
