Pormal nga inyanunsyo ti Benguet State University (BSU) ti panaglukat ti College of Medicine iti nasao nga institusyon.
Kasapulan laeng a Bachelor of Science degree holder ti aplikante ken addaan general weighted average nga 85 agpangato; kasapulan a nag-exam iti National Medical Admission Test , dua a tawen sakbay iti admission no sadinno rumbeng nga addaan daytoy iti percentile score a 40.
Iti umuna a tawen ti pannakaiyemplementar ti nasao a programa, dagiti pay laeng first-year students ti akseptaren ti nasao nga unibersidad ken saan pay laeng dagitoy nga umawat kadagiti transferees.
Dagiti met na-admit wenno naala nga estudyante a saan a makapag-enroll ket mabalin a ma-admit inton sumaruno a tawen nu pilienda nga agre-apply ken mapili manen dagitoy maibasar iti competitive basis kadua dagiti dadduma pay nga aplikante.
Naipaay ti Hunyo 22 agingga Hulyo 15 iti agdama a tawen tapno mangisumitir dagiti aplikate kadagiti detalyeda idiay BSU College of Medicine Building.
Maipatungpal met ti Neuropsychological Evaluation idiay Office of the Student Services inton Hunyo 29 agingga Hulyo 24.
Kalpasanna, dumalan dagitoy iti interview idiay BSU College of Medicine Building inton Hulyo 20-24 ken kamaudiananna, mabalinen dagitoy nga agenroll idiay Office of the University Registrar manipud Agosto 3 agingga Agosto 7. //bombokaren.c.sapirao
