Natiliw ti walo nga indibidual babaen iti bileg iti warrent of arrest nga impaulog iti maysa a hues iti Regioanal Trial Court, First Judicial Region Branch 6, Baguio City idi Hunio 23, idiay Purok 4, Barangay Kias, Baguio City.
Dagiti nakemmeg a suspek ket ti agtawen ti (1) 42 a lalaki (subject of warrant), awanan trabaho ken residente iti Barangay Kias, Baguio City; (2) agtawen iti 38 a lalaki, awanan iti trabaho, ken residente iti Quirino Hill, Proper, Baguio City; (3) agtawen iti 21 a lalaki, mangmangged kas construction worker ken residente idiay Upper Pinget, Baguio City; (4) agtawen iti 36 a lalaki, awanan iti trabaho ken residente iti Campo Sioco, Baguio City; (5) agtawen iti 34 a lalaki, mangmangged metlaeng kas construction worker ken residente iti Kias, Baguio City; (6) agtawen iti 26, online seller ken residente iti Marcos Highway, Baguio City; (7) agtawen iti 32, online seller ken residente iti Bakakeng Norte, Baguio City, ken (8) agtawen iti 34, online seller ken residente iti Kias, Baguio City.
Sigun kadagiti otoridad, dagiti suspek ket aggagayyem ken adda ti aginnayan-ayat.
Maibasar iti report iti pulisia, apaman a nakadanon dagiti operatiba iti inabangan nga unit ti suspek a “subject of warrant,” nagtuktok ken impakaamoda nga adda ti search warrant. Nupay kasta, awan ti nanglukat iti main door.
Gapu iti dayta, pinilitda a niluktan ti ruangan nu sadinno walo nga indibidual ti naaktuanda a mangisaysayangkat iti “pot session.”
Maysa kadagiti suspek iti limmagto iti exit door a nangitunda iti panagsagrapna iti injury.
Dagos met a nagkiddaw dagiti operatiba iti emergency medical assitance para iti umuna a pannakatamingna sakbay a naitaray iti pag-agasan a kinadwaan met dagiti kameng iti pulisia.
Kabayatanna, ti maysa kadagiti “subject iti search warrant” ket awan iti nasao a pagtaengan.
Nupay kasta, ti search warrant ket nagresulta iti pannakakumpiskar iti mayda a pidaso iti heat sealed transparent plastic sachet a naglaon iti marijuana leaves ken bukel nga agdagsen iti lima a gramo ken aggatad iti P600 ken 17 a pidaso ti heat sealed transparent plastic a naglain iti maatap a shabu nga aggatad iti pakabuklan a P96,200.
Nasamsam metlaeng ti sumagmamano a non-drug evidences pakairamanan ti coin purse, sling bag, ID, transparent plastic sachets, aluminum foils, glass floater totter, lighter, tallo a piraso ti transprent plastic sachet nga adaan ti traces ti shabu ken daduma pay.
Dagiti suspek ket naiturong iti istasion iti pulisia para iti umno a dokumentasion ken inquest proceedings. | via Bombo Noveh Organo
