--Ads--

Kinumpirmar ti National Bureau of Investigation (NBI) a sinmuko ti maysa a kadua nga akusadno ni sigud a house speaker Martin Romualdez.


Sigun iti nasao nga ahensya, sinmuko ni Felicito Cristobal Guevarra idiay Forbes Park, Makati City. Sinundo daytoy ti nasao nga ahensya iti napagsaritaan a pasdek iti nasao a luga. Nagbalin met a natalna ken naurnos ti panagsuko daytoy iti public corruption division iti NBI.


Ni Guevarra ti mangidadaulo iti Samchan Foreign Exchange Corp a nagbalin a paset iti panangawat iti kickback ni Romualdez manipud kadagiti proyekto ti gobyerno.


Kasaruno iti panagsuko ni Guevarra ti panangipataw kenkuana iti Office of the Ombudsman kenkuana iti conditional immunity iti sidung ti Section 17 ti Republic Act 6779 wenno ti Ombudsman Act of 1989.
Sigun iti Ombudsman, makatulong ti testimonyana tapno maamuwan ti dinmaldalanan ti mapagsasaritaan a pondo.


Maipalagip nga insubli metlaeng ti Samchan dagit amin a naalada manipud iti kuwestionable a transaksyon iti Bureau of Treasury.