BAGUIO CITY – Nailukaten iti publiko ti Agri-Tourism Trade Fair idiay Wangal, La Trinidad, Benguet.
Daytoy ket paset ti makabulan a selebrasyon ti Adivay Festival iti agdama a tawen.
Sigun kenni Delinia Juan, Supervising Agriculturist ti Provincial Agriculturists Office, panggep ti aktibidad nga ipresentar ti ‘best products’ ken ‘best of the best’ iti nagduduma a municipyo pakairamanan ti ‘tourism fights’ dagitoy.
Malaksid iti dayta, makatulong ti agro-tourism fair tapno agsasabat ti nagduduma a municipyo ken mabigbigbig kas maysa a tulbek tapno ibinglayda ti nagduduma a kapadasanda iti panagtalon.
Papigsaen met ti aktibidad ti camaraderie iti tunggal municipyo kasta met a maitampok ti nagduduma a produkto dagitoy.
Maipalagip a nagrugi ti panagsagana dagitoy idi Oktubre 15 tapno mai-rehabilitate ti booth dagitoy.
Aw-awisen met ni Delinia ti pannakipaset ti tunggal maysa iti pannakarambak ti maika-123rd a Benguet Foundation Anniversary babaen iti Adivay.//Bombo Marinel Rodrigo
