Imet itan dagiti otoridad ti 20-anyos a lalaki, kalpasan a nakompiskar kenkuana ti agarop P2 Million a gatad ti dried marijuana plants iti maysa a nalatak a Hotel idiay Bulanao, Tabuk City, Kalinga itay nabiit.
Nabigbig ti suspek a ni Junrey Guimba Balais, awanan ti asawa, maysa a konstruksion worker ken residente sadiay Barangay Nambaran, Tabuk City Kalinga.
Nakemmeg ti nasao a suspek, kalpasan a nakompiskar kenkuana ti agarup baente a kilos ti dried marijuana leaves, masya a sako nakailemmengan dagiti illegal a druga, masya a unit ti cellphone, maysa a unit ti motorcycle nga awanan iti plaka.
Iti agdama, addan iti kustodiya ti Tabuk City Police Station ti supek ken dagiti nakumpiskar nga ebidensia para iti dokumentasion sakbay a maipaima iti korte.
