BAGUIO CITY – naitabunen ti saan pay a nabigbig a bangkay ti babai a nasarakan sadiay Sitio Tokang Barangay Camp 3, Kennon Road, Tuba, Benguet idi Myierkoles, June 8, 2022.
![](https://img.bomboradyo.com/baguio/2022/06/283962844_1143596236216292_4856746028246715593_n-modified.jpg)
Iti interview ti Bombo Radyo Baguio ken Tuba MPS Chief Police Captain Jeremias Toyokan, awan ti punerarya a nang awat iti bangkay gapu paylaeng iti decomposition state daytoy
Gapu iti dayta, kinunana a kalpasan ti panagtingiting ti SOCO para iti posible a pakabigbigan daytoy ket nagdesisyonda nga itabon laengen iti metlaeng Barangay a nakasarakan kenkuana.
Iti inisyal a panagsukimat dagiti otoridad, awan iti nakitada a sugat wenno dunor iti bagi daytoy ken mapapati a nasurok dua a lawas a pimmusayen daytoy gapu iti pannakarunot ti bagi na
Maipalagip a nasarakan ti bangkay a nakasuot iti blue a maong jackert, puraw a jogging pants, T-shirt ken puraw a mejas
Makidkiddaw met kadagiti umili a mapukpukawan ti miembro ti pamilyada nga iyuman kadagiti otoridad para iti posible a pakabigbigan ti bangkay
Inlawlawagna nga adda iti inalada a sample ti DNA ti bangkay tapnu isut agserbi kas pangbigbigan dagiti claimants ti bangkay
Kagiddan iti dayta, kinuna ni PMaj. Jeremias nga ad-adda nga irtenganda iti panagwanawanda tapnu maliklikan iti pannakaibelleng dagiti bangkay iti masakupan dagitoy.
Malaksid iti dayta, agtultuloy metlaeng ti imbistigasyonda para iti posible a pakabigbigan dagiti nangibelleng iti nasao a bangkay.