Naglosulos iti takemna ni Ako Bicol Representative Zaldy Co kas miembro ti House of Representatives.
Inwaragawagna daytoy babaen iti panangipablaakna iti social media.
Sigun kenkuana, saan a nalaka ti desisyon daytoy ngem para iti pagimbagan ti pamilyana ket napagdesisyonanna ti nasao a banag.
Kabayatanna, immunan met nga impakaammo ti Malacañang a kiniddaw ti Department of Justice iti Interpol a mangipaulog dagitoy iti blue notice kenni Co gapu paylaeng iti pakainaiganna iti naanomalyaan a flood control projects.
Kinumpirmar daytoy ni Palace Press Officer Undersecretary Atty. Claire Castro rason nga ur-urayenda laengenen ti sungbat ti Interpol iti daytoy.
Ti blue notice ket para iti panakakolektar dagiti kanayonan nga impormasyon seknan iti personal a pakabigbigan daytoy, ti lokasyonna ken dadduma pay.
