Ammo yo kadi mga kabombo nga agar-aramat ti maysa a restaurant idiay Jiangsu, China iti Antidiarrheal drugs tapno makontrol ti epekto ti nag-expire a ramen?
Naduktalan nga agar-aramat ti nasao a restaurants iti nasao nga agas kalpasan a naireport daytoy.
Maibasar iti imbestigasyon agar-aramat dagiti dua a chefs iti ramen a nag-expire rason a nagaramat dagitoy iti Antidiarrheal Drugs tapno paylaeng makontrol ti epekto ti daytoy iti tyan dagiti costumers-da.
Nupay kasta, naireport daytoy kadagiti otoridad isu’t gapuna a nasentensiaan dagiti dua a chefs ken agbayad pay dagitoy iti multa a 160,000 yuan wenno $22,000.
Nabigbig dagitoy a da Sha ken Fu.
Nasentensiaan dagitoy kalpasan paylaeng iti panangiserve-da iti toxic ken narisgo a taraon nga addaan iti gentamicin sulfate,maysa nga antibiotic a maar-aramat a pang-agas iti diarrhea.
Sigun kadagiti otoridad, agiseserve dagiti nadakamat a chefs iti agarup 1,612 a servings ti gentamicin sulfate-laced food.
Malaksid iti dayta, naduktalan pay ti 101 a boxes ti gentamicin sulfate iti uneg ti kusina iti nasao a restaurants a ginatang ti nabigbig a ni Zhang.
Naamuan metlaeng a kanayun daytoy a gumatgatang iti 100 a boxes ti nasao nga agas nga awanan iti prescription manipud iti doctor.
