Agtaltalinaed paylaeng a magatang kadagiti sumagmamano a paglakoan iti Baguio City dagiti bagas nga addaan iti nababa a presyo.
Iti pannakiuman iti Bombo Radyo kenni John Paul Peralta, Rice Dealer ken Retailer iti Baguio City Public Market, kinunana nga adda paylaeng dagiti nababa a presyo ti bagas a mabalin a magatang.
Nupay kasta, adda paylaeng dagiti stocks idi napalabas a bulan isu’t gapuna nga adda paylaeng dagiti imported a bagas a mailako iti P60 tunggal kilo.
Iti baet dayta, kaaduan kadagiti nagduduma a klase ti bagas ket nangrugin a bumaba ti presyona nu sadino, agay-ayam iti P54 agingga iti P56 tunggal kilo.
Iti agdama, dumanon ti presio ti regular-milled rice iti P40 agingga P42 tunggal kilo ken ti well-milled rice nga agay-ayam iti P45 angigga iti P48 tunggal kilo.
Sigun kenni Peralta, naipaayan dagitoy iti angingga Pebrero a kinse tapno ipatungpalda ti nababa a presio ti imported a bagas a dumanonn iti P55 angingga iti P60 tunggal kilo.
Iti agdama, P40 tunggal kilo ti kababaan a presio ti well-milled wenno local rice.
Kabayatanna, impeksa ni Peralta a posible a maapektaran dagitoy iti nababa a presio ti bagas manipud iti National Food Authority apaman a mailako iti merkado publiko ken Kadiwa Stores ti P35 tungal kilo a bagas.
Gapu iti dayta, kidkiddawen dagitoy a ma-adjust met ti panagbaba iti presio ti bagas kadagiti whole traders ken retailers.//mp4
