Naaprubaran ti baro nga ordinansa a mangipalubos iti libre nga access no umuneg iti Baguio Botanical Garden kadagiti residente ti BLISTT wenno Baguio, La Trinidad, Itogon, Sablan, Tuba, ken Tublay kalpasan ti Panagbenga kas panagyaman dagitoy.
Daytoy ket in-authored ni Councilor Jose Molintas ken naaprubaran ita a bulan kasta met a napirmaanen daytoy ni Mayor Benjamin Magalong idi March 26, 2025.
Ti nasao nga ordinansa ket mangipakpakita iti panagyamanda iti BLISTT communities gapu iti suporta nga impaayda iti napasamak a Panagbenga Festival idi bulan ti Pebrero.
Malaksid iti dayta, ket tapno maitandudo ti environmental awareness, recreational ken educational opportunities kadagiti residente.
Ti libre a panag-uneg iti Baguio Botanical Garden ket agleppas agingga Abril baente dosmil-beante singko.
Nopay kasta, kasapulan a mangipakita dagiti sumrek iti valid identification document kas pruweba a residente dagitoy iti BLISTT.
Iti sabali a bangir, nadutukan ti City Environment and Parks Management Office (CEPMO) a mang-mintenar ti nasao a parke ken iti free access program .//Bombo Noveh Organo
