Bimmisita iti Baguio City ita nga aldaw dagiti national athletes pakairamanan da First Female Muaythai World Champion Islay Bomogao, 2024 Paris Olympics Bronze Medalist Nesthy Petecio ken Aira Villegas, ken Paralympics archer Agustina Bantiloc.
Iti panakiuman ti Bombo Radyo Baguio kenni Baguio City Administrator Engr. Bonifacio Dela Peña, panggep dagiti national athletes nga iberipika nu mabalin nga aghost ti City of Pines iti sumarsaruno a Batang Pinoy ken Philippine National Games.
Nupay kasta, impetteng ni Engr. Dela Peña a saan paylaeng a mabaelan nga aghost ti Baguio City iti nasao nga sports competition.
Innayon ti nasao nga opisyal a pagtungtunganda iti opisina ti Mayor ti nasao a banag.
Ti Batang Pinoy ken Philippine National Games ket tinawen nga sports competition nga inorganisa ti Philippine Sports Competition.
Ita a tawen ket maangay ti nasao a kompetisyon idiay Puerto Princesa, Palawan inton Nobyembre 23 agingga Nobyembre 28.
