Balligi a naipatungpal ti barangay gift giving nga indaulwan ni Peter L. Ng Chairperson iti spring festival execom 2025 sadiay gymanassium iti Brgy. Middle Quezon Hill idi kalman.
Dinar-ayan metlaeng daytoy ni Mark Jefferson C. Ng, miembro ti spring festival execom 2025 ken dagiti sumagmamano a brgy. officials ken dadduma pay.
Nakipasetan pay daytoy ni mayor Benjamin Magalong kenni Councilor Jose Molintas.
Ti barangay gift giving ket tinnawen a maisaysayangkat, no sadino ita a gundaway dua a barangay iti naipaayan iti regalo daytoy ket ti Middle Quezon Hill ken Quezon Hill Proper no sadino ket singkwenta nga indibidual tunggal barangay iti maikkan iti gift packs.
Dagiti gift packs ket naglaon iti groceries.
Malaksid iti dayta adda met iti sumagmamano a naikkan iti maysa kadagiti especial wenno produkto ti chinese a tikoy.
Gapu iti dayta, naragsak dagiti indibidual a nakaawat iti gift packs.
Ti barangay gift giving ket paset ti akbidad iti Chinese New year no sadino ket isu iti mangipakaammo iti baro a panangrugi babaen iti namnama, naimbag a gasat, kinarang-ay, ken panagtitipon manen ti pamilia, a masansan a pakairamanan dagiti tradision a kas iti panagpiesta, panangted kadagiti nalabaga a sobre nga addaan kuarta, panagregalo, ken nabiag a nalabaga nga arkos a mangisimbolo iti ragsak ken kinabaknang.//Bombo Noveh Organo
