LA TRINIDAD, BENGUET – Agkidkiddaw iti kanayunan a tulong pinansiyal dagiti atleta ti Benguet a makiballubal iti Batang Pinoy Competition idiay Puerto Princesa, Palawan inton Nobyembre 22 agingga Nobyembre 28.
Iti interview ti Bombo Radyo, kinuna ni Marvin Sicomen, kickboxing head coach nga agkurkurangda iti pinansyal a tulong para iti transportation ken food allowance dagiti atleta a mangibagi iti probinsiya ti Benguet iti nasao a kompetisyon.
Nupay adda dagiti pinansyal a tulong a nakiddawda manipud iti nagduduma nga opisyales, dinakamat ni Sicomen a saan latta nga umdas daytoy tapnu masuportaran dagiti amin a kasapulan dagiti Benguet athletes.
Iti baet daytoy, impeksa ni Sicomen ti panagyamanna kadagiti local government unit iti Benguet gapu ta dagitoy ti nangipaay iti pundo para iti pannakagatang ti uniporme dagiti atleta.
Karaman kadagiti ay-ayam a pakipasetan dagiti Benguet athletes iti Batang Pinoy 2024 ket swimmimg, boxing, kickboxing, taekwondo, chess, athletics, muaythai, wushu, ken dadduma pay.//Genzel Depayso
