Nalaos ti panagyamanda Filipino Olympic silver medalists ken boxers Carlo Paalam kaduana ni Nesthy Petecio kalpasan a napagasatanda nga agbalin kas flag bearers iti opening ceremony para iti umadanin a Paris Olympics.
Sigun kenni Paalam, saanna a ninamnama daytoy isu’t gapuna a nalaos ti ragsakda kalpasan a naamuanda daytoy.
Kinuna a mangipakita ken mangipalagip daytoy iti akem ken reponsibilidadda iti pagilian a Pilipinas.
Kabayatanna, naangay ti fitting send-off para kadagiti amin nga atleta nga agturong idiay Paris idi kalman.
Indauluan daytoy ti Philippine Sports Commission (PSC) pakairamanan dagiti maseknan nga opisyales.
Pakabuklan iti sangapulo ket lima nga atleta manipud iti pagilian ti opisyal a nakapagbooked iti slots para iti nasao a pasalip.
Mangrugi ti Paris Games inton Hulyo baente sais ken agleppas daytoy inton Agosto a onse, iti agdama a tawen.//Rose
