Balligi a naisayangkat ti ceremonial destruction ken disposal kadagiti nakumpiskar a sigarilyo iti Malcolm Square ita nga aldaw.
Indauluan daytoy ti City Health Services Office-Smoke Free Baguio City.
Ti nasao nga aktibidad ket panggepna a maipaayan ti publiko, partikular kadagiti agtutubo iti siudad iti pannakaammo maipapan iti saan a nasayaat nga epekto dagiti tobacco products.
Pakabuklan met ti P1.5 million agingga P2 million a sigarilyo ti naurnong bayat a P4 million ti gatad ti nakumpiskar a vapes iti operasyon dagitoy iti napalabas a dua a tawen.
Nupay kasta, kagudua laeng ti imparang dagitoy a dinadael bayat a dagiti nabatbati ket maidispose laeng.
Dagitoy ket nakumpiskar bayat ti agtultuloy a kampanya ti smoke Free Baguio.
Impaganetget met ni City Health Services Office head Dr. Celia Flor Brillantes ti agtultuloy a panagregget dagitoy tapno ma-eliminate ti panagaramat iti sigarilyo ken tapno mailiklik ti publiko iti aniaman a sakit kas kadagiti respiratory diseases ken dadduma pay.
Nagpalagip metlaeng ni Committee on Health and Sanitation chairperson Councilor Betty Lourdes Tabanda iti tumunggal maysa tapno makitinnulong dagitoy kadakuada para iti smoke-free city.
