Namnamaen ni singer Chito Miranda a makaruar iti pagbaludan ti asawana a ni Neri Naig kasaruno ti pannakaarestar daytoy.
Sigun kenni Miranda, awan ti nagbasolan ti asawana ken saan a pudpundo dagiti kaso a naipila kenkuana kas dagiti 14 counts seknan iti mapapati a panaglabsingna iti Securities Regulation Code, estafa, ken syndicated estafa.
Kinunana nga awan ti siasinoman a niloko ni Neri ken saan a pulos a nagkiddaw daytoy iti kwarta.
Nupay kasta, patien ti singer nga adda ti pakainaiganna iti kaso a sangsanguen ti asawana iti trabaho daytoy kas endorser.
Impetteng a posible a naaramat laeng ti rupa ti asawana tapno makaawis kadagiti investors rason a kastoy ti napasamak.
Kiddawna met a masolbar a dagus daytoy tapno saan a kaasi ti asawana.
Innayonna pay nga awan ti aniaman a ballaag kadakuada ken subpoena no sadino inarestarda lattan ti asawana nga awan ti naawatda nga aniaman a surat manipud iti prosecutor.
