Imbilin ni Agriculture Secretary Francisco Tiu Laurel Jr. ti panakaipatungpal ti comprehensive audit kadagiti amin a farm-to-market road projects sipud 2021 agingga 2025.
Daytoy ket paset ti panagreggetda para iti transparency, quality ken tangible results kagiddan ti rumrumwar ita a pakaseknan kadagiti flood control projects.
Sigun kenni Laurel, ipakaammona kenni President Ferdinand Marcos Jr. apaman nga adda maduktalanda nga isyu gapu ta sigun kenkuana, dagiti proyekto ket kasapulan a masigurado a nasayaat ti panakaaramidna.
Maibasar iti roadmap iti gobyerno, dumanon iti 131,000 a kilometero iti farm-to-market roads ti puntiryada a maaramid nu sadino, maibasar iti rekord idi Hulyo, dumanonen iti 70,000 a kilometro ti nakompleto.
Ti Department of Agriculture ti mang-identify ken mang-validate kadagiti farm-to-market road schemes ngem ti Department of Public Works and Highways (DPWH) ti mangbid, commission, ken mangaramid kadagitoy.
Ti audit ket manamana a malpas agingga iti ngudo ti agdama a tawen.
