Dandani 74% dagiti estruktura iti siudad ti Baguio ti manarimaan nga awanan iti building permits, sigun iti City Buildings and Architecture Office (CBAO). Ngem imbes a pakaseknan iti kitaenda, nakapokus ti lokal a gobierno iti panagtulong kadagiti resident tapno makasurot iti linteg ken mapagtalinaed ti kinatalged dagiti pagtaengan ken negosio dagitoy.
Sigun kenni CBAO assistant head Stephen Capuyan, dumanon iti 61,627 nga estruktura iti 105 a barangay ti awanan iti permits, ken 23 pay a barangay ti agdama a manarimaan a masukimat.
Kadawyan a kinakurang iti kuarta ti lapped iti panangala iti permit ken isyu iti panagtagikua iti daga.
Inlawlawag ni Capuyan a kasapulan iti certification manipod iti architech ken engineers sakbay a maipaay ti permit, ken adda dagiti sumagmamano nga agtagikua iti daga a saan a nakasurot iti kasapulan a setbacks wenno easements.
Tapno marisut daytoy, ikonsiderar ti lokal a gobierno dagiti addang kas iti tulong iti lot surveys ken panangpasimple iti proseso ti aplikasion, sigun kenni Baguio City Administrator VJ Cawis. Panggep a masalakniban ti kinatalged dagiti estruktura ken mangipaay iti legal a seguridad kadagiti umili.
