Nabigbig ti Davao City kas maikadua a katatalgedan a siudad wenno second safest city iti Southeast Asia.
Daytoy ket kas maibasar iti Numbeo Southeast Asia: Safty Index for 2023 kalpasan a nakaala ti Davao ti 72.4 safety index score.
Naala ti Chiang Mai City idiay Thailand ti umuna a pwesto nga addaan ti 72.5 a safety index score, sinaruno ti Singapore nga addaan ti 70.8.
Karaman metlaeng ti Penang City idiay Malaysia; Hanoi idiay Vietnam; Makati City iti Pilipinas; Bangkok idiay Thailand; Iloilo City iti Pilipinas; Pattaya idiay Thailand; ken Bali idiay Indonesia.
Ti safety index ket naibasar iti general crime levels iti siudad wenno iti pagilian nu sadino dagitoy dagiti nakailista iti minimum number wenno nababa a kaso ti krimen.
Maibasar iti datus ti Davao City Police Office, ti total crime incident manipud Enero agingga Mayo iti agdama a tawen ket bimmaba iti 1,759, nababbaba iti 28.47% nu idilig idi napan a tawen iti kapada a bulan.
