Impaayan ti International Criminal Court (ICC) Appeals Chamber ti defense team ni sigud a president Rodrigo Duterte ti pawayway nga agingga inton February 5 a mangipaay iti apelada.
Daytoy ket kasaruno ti panangipila ti kampo ti sigud a presidente ti pakaammo wenno notice iti ICC Appeals Chamber para iti panaka-reverse ti desisyon ti ICC Pre-Trial Chamber seknan iti agtultuloy a panakaibalud ni Duterte.
Maipalagip nga iti agdama ket nakadetain ni FPRRD iti penitentiary idiay The Hague, Netherlands gapu iti kasona a war against humanity gapu iti nadara a kampanya daytoy kontra iti iligal a droga kabayatan ti adminitrasyonna ken idi nagtakem kas mayor iti Davao City.
Immuna metten nga impakammo ti international tribunal a mairugi ti confirmation of charges ti sigud a presidente inton February 23, 2026 kalpasan a rimwar iti medical assessment dagiti independent experts a “fit” daytoy a makipartisipar iti panagdengngeg.
Inlawlawag ti nasao a korte a nu adda ti maysa wenno nasursurok pay a charges a makumpirma kabayatan ti confirmation of charges, maipaima ti kaso iti trial chamber a mangipatungpal kadagiti sumarsaruno a panagdengngeg.
