Agtultuloy ti nainget a panagsagana ti City Environment and Parks Management Office iti Enchanting Christmas Market iti Rose Garden, Burnham park para iti umadanin a pannakailukat ti An Enchanting Baguio Christmas inton bigat, alas sais iti sardam.
Iti panakiuman ti Bombo Radyo kenni Atty. Rhenan Diwas,dadaulo ti City Environment and Parks Management Office,kinunana a dumanunen iti 70% ti completion kadagiti chalets ken decorations iti lugar ken agtultuloy ti pannakaipinal kadagiti silaw, ken dadduma pay a maiparang iti publiko inton bigat.
Sigun kenkuana, gapu iti panagballigi dagiti napalpalabas nga An Enchanting Baguio Christmas ket immadu dagiti nangayat a makipaset iti Christmas Market nu sadino,dumanon iti pakabuklan nga uppat a pulo ket walo a chalet ti naipasdek ita a tawen.
Innayonna a saan laeng a dagiti lokal a negosyante ti makipaset iti 2024 Christmas Market nu di ket uray ti embassy iti Poland.//Bombo Jez Lapizar
