--Ads--
Nagleppas iti maikapito a posisyon ti Baguio City iti 8th Philippine National Para Games.
Nakagun-od ti delegasyon daytoy iti pakabuklan a sangapulo a medalya a buklen ti innem a balitok, dua a silver, ken dua a bronze.
Naala met ti Pasig ti umuna a pwesto a nakaala iti pakabuklan a limapulo ket dua a medalya a buklen iti dua pulo ket maysa a balitok, sangapulo ket innem a silver, ken sangapulo ket lima a bronze.
Maipalagip a minarkaan ti panagsubsubli ti Philippine National Para Games ita a tawen kalpasan ti panakaisardeng daytoy gapu iti pandemya idi 2020.
Ti nasao a pasalip ket pinasetan iti 900 a partisipante manipod iti limapulo ket pito a delegasyon iti intero a pagilian.
