--Ads--
Inaprobaran ni Department of Agriculture Secretary Francisco Laurel Jr. ti panaka-import dagiti nalabaga ken puraw a sibuyas a sumrek iti pagilian a Pilipinas.
Dagiti nasao a kita ti sibuyas ket manamnama a sumangpet iti pagilian kalpasan ti dua a lawas nu sadino dagiti nalabaga a sibuyas ket dumanon iti 3-K metric tons bayat a ti puraw a sibuyas ket dumanon iti 1-K metric tons.
Maipalagip nga idi napalabas a lawas ket impasigurado ti Department of Agriculture a saan a manamnama ti panagngato ti presyo dagiti nalabaga a sibuyas.
Idi napalabas a bulan, dumanon iti P120 ti presyo ti tunggal kilo kadagiti sibuyas,nababbaba no idilig iti P140 tunggal kilo idi Disyembre idi napalabas a tawen.
