--Ads--
Inkari ti Department of Justice a saan nga agsardeng dagitoy a mangimbistigar iti mapapati a pangta ni Vice President Sara Duterte kontra kenni President Ferdinand Marcos Jr., First Lady Liza Marcos ken Speaker Martin Romualdez no mapapatay daytoy.
Kinumpirmar met ni Justice Undersecretary Jesse Andres, a mabalin nga alaen ti opisina ti ombudsman ti imbestigasyon kontra iti bise presidente ngem dagiti laeng sumagmamano a kaso daytoy kas ti plunder, bribery, graft ken dadduma pay.
Sigun kenkuana, saan dagitoy nga agsardeng iti panangimbistigar kas mainaig iti linteg iti Pilipinas.
Innayonna pay a saan dagitoy nga agpokus iti pangta ni Duterte kontra kadagiti Marcoses kenni Romualdez ngem mainayon metlaeng ti mapapati a pangta kenkuana.
