Panggep dagiti dua a Filipino mountaineers nga idanun ti Philippine flag iti Mount Everest inton Abril katorse.
Sigun ka da Elaine Jhon “Jeno” Panganiban, 29-anyos a mountaineer ken entreprenuer ken Miguel Angelo Mapalad 42-anyos full-time mountain guide, panggepda a kalay-aten dagiti sangapulo ket uppat a world’s 8,000-meter peaks.
Kinunada a padasenda a kalay-aten amin dagitoy no sadino panggepda nga umuna a kalay-aten ti Mount Everest.
Addaan metten dagitoy iti kapadasan a balligi a nangkalay-at iti tuktok ti Himalayas rason a kumpyansa dagitoy a kalay-aten ti nasao a bantay.
Nupay kasta, ti narisgo iti Mount Everest ket ti saan a nasayaat a sasaaden ti panawen kasta metten dagiti snow wenno nyebe.
Innayonda pay a full sopport dagiti pamilya dagitoy iti panggepda.
Impasigurado metlaeng dagitoy nga agannadda ken makasubli a nasayaat.
Kagiddan dayta, kidkiddawenda ti agtultuloy a suporta ti publiko para kadakuada.
