BAGUIO CITY – Nakemmeg ti dua nga indibidual a nakairamanan ti maysa nga studyante iti naisayangkat nga interdiction operation sadiay Sadanga-Bontoc terminal iti Sepulchre Street, Poblacion, Bontoc, Mountain Province .
Nabigbig dagitoy a da RAMON MATTHEW CRUZ MANGALILE, 21 anyos, studyante, ken CHERWEN AM-IS TANGARO, 26 anyos, welder, bin ig a residente ti Poblacion, Baliwag, Bulacan
Maibasar iti report, nakaawat dagiti otoridad ti report mainaig kadagiti dua nga indbidual a naglugan iti bus manipod Kalinga paturung Bontoc, Mountain Province a nakaimet iti iligal a droga
Iiti panangberipikar dagiti otoridad ket nagresulta iti pannakemmeg dagiti dua ken pannakakumpiskar manipod kadakuada ti pito a pidaso ti tubular form ti dried marijuana leaves ken pito a pidaso ti ziplock a naglaon ti napagango a bulong ti marijuana nga agdagsen iti 6.095 kilograms ken addaan standard drug price a P731,400.00
Naamuan a nagtaod iti Metro Manila dagiti dua ken simmarungkar sadiay Barangay Buscalan Kalinga Province ken nagpammarang kas turista kagiddan iti panangpaggepda a mangibyahe iti Marijuana pasubli sadiay Metro Manila.
Adda ita iti kustudiya ti Bontoc MPS dagiti suspek bayat a dagiti nakumpiskar nga ebidensya ket naiturung iti Crime Laboratory Office para iti eksaminasyon
Sumango met dagiti dua iti kaso a panaglabsing iti Republic Act 9165 wenno Comprehensive Dangerous Drugs act of 2002
