BAGUIO CITY – Natiliw ti dua a suspek iti naisayangkat a buy-bust operation iti maysa a sementeryo iti siudad ti Baguio.
Nabigbig dagiti suspek a da Mark Joseph Balancio ken Haans Christian Caburian, awananda ti trabaho ken agpada a residente ti siudad.
Nakumpiskar manipud kadagiti suspek ti kagudwa a kulo ti marijuana a nailako iti P20,000 ken daduma pay a marijuana iti uneg ti lugan dagitoy.
Pinadas ti maysa a suspek a naglibas ngem natiliw metlaeng daytoy.
Nakumpiskar pay ti lugan nga inaramat dagitoy.
Sigun kadagiti nagresponde a maseknan nga operatiba, ilaklako dagiti suspek ti iligal a droga kadagiti gagayyemda nu sadino social media ti masansan a maaramat para iti transaction dagitoy.
Sumango dagiti suspek iti kaso a panaglabsing iti Republic Act 9165 wenno Comprehensive Dangerous Drugs Act of 2002.
