![](https://img.bomboradyo.com/baguio/2024/07/CARINA-IN-BAGUIO.jpg)
BAGUIO CITY – Pakabuklan a dua pulo ket innem a pamilya wenno sangagasut uppat a pulo nga indibidual ti nagibakwit manipud iti pagtaenganda iti siudad ti Baguio.
Naikekord ti sangapulo ket tallo a panagreggaay ti daga malaksid iti dakkel a landslide iti paset ti Kennon Road.
Nakarikep metlaeng iti trapiko ti Halsema highway ken Kennon road.
Iti interview ti Bombo Radyo kenni Baguio City Mayor Benjamin Magalong, dagiti bisita a mangkayat a sumang-at iti siuidad ket magna-da iti Marcos highway wenno Naguilian road.
Agtultuloy ti panagmonitor dagiti maseknan partikular dagiti paset ti siudad a nakapasar ti panagreggaay ti daga ken dagiti lugar a naputedan iti linya ti kuryente.
Sigun pay kenni Mayor Magalong, automatic a lifted ti coding tunggal mapasaran ti kalamidad.