--Ads--
BAGUIO CITY – Nairekord ti duapulo ket tallo a kaso ti leptospirosis manipud Enero agingga iti agdama iti siudad ti Baguio.
Iti nasao a bilang, tallo ti pimmusay.
Sigun kenni Dr. Celiaflor Briliantes, City Health Sevices Officer, awan ti nailistada a baro a rekord ita a bulan gapu ta saanen ta duritso ti panagtudtudona a mangituntunda iti panaglayos a mabalin a pakaalaan ti leptospirosis.
Nupay kasta, mapalpalagipan dagiti residente iti siudad a saanda a sumuong wenno agturong kadagiti flooded areas nangruna nu awanan ti proteksyon dagitoy.
Inlawlawagna nga scattered ti kaso ti leptospirosis ken saan a nagtaud iti maymaysa a lugar.
