--Ads--
Pimmusay ti maysa nga estudyante kalpasan a nagaburan iti landslide sadiay Bulanao, Tabuk City bayat ti napigsa a panagbayakabak ti tudo itay laeng malem, Setyembre 3, 2025.
Sigun iti nanang ti biktima, kalkalpas dagitoy a nangan rason a sinumrek metten ti anakna iti kwarto daytoy.
Nupay kasta, nargaay ti daga iti batog ti pagtaengan dagitoy a nangitunda iti panakagabur ti sumagmamano a paset ti pangtaenganda.
Nabaelan met ti nanangda ken ti maysa pay nga anakna a rimmuar, ngem ti laeng nasao nga estudyante ti nabati iti uneg.
Gapu iti dayta, dagus a naipakaammo daytoy kadagiti otoridad rason a nagresponde dagitoy.
Balligi a nabirukan ti bagi ti biktima ngem awanan daytoyen iti biag.
