Kinumpirmar ni Commission on Elections(COMELEC) Chairman Atty.George Erwin Garcia a nalpasen ti fact-finding investigation iti kaso ni Senator Rodante Marcoleta mainaig iti maatap a discrepancy iti indeklara daytoy iti Statements of Contributions and Expenditures wenno SOCE-na.
Sigun kenni Atty.Garcia, manamnama a mangipayulog ti Political Finance and Affairs Department (PFAD) iti resolution para iti nasao a kaso.
Maipalagip nga idi napan a tawen ket pinaayaban ti poll boody ni Senator Marcoleta tapno ilawlawag dagiti sumagmamano kadagiti maiyak-akusar a saan nga agtunos ti nakalanad iti SOCE daytoy ken ti adda iti Statements of Assets, Liabilities, and Net worth wenno SALN-na.
Depensa met ti Senador, saanan nga inraman iti SOCE daytoy dagiti kontibusyon manipod kadagiti daduma a gagayyemna a nagkiddaw nga agtalinaed nga anonymous.
Ti rekord kadagiti nasao a dokumento ni Senator Marcoleta ket mabalin a makita iti website ti COMELEC nu sadino, dumanon iti ₱112,857,951.44 ti nabusbos iti panagkampanya daytoy iti 2025 Midterm Elections bayat nga ₱80,401,700 ti nakalanad iti SALN daytoy.
