Dumanonen iti innem a fire incidents ti nailista iti siudad ti Baguio ita a tawen.
Iti interview ti Bombo Radyo kenni Senior Fire Officer 1 Lyod Ashley Furigay, Public Information Officer ti Bureau of Fire Protection-Baguio, kinunana a nakailista dagitoy iti lima a fire incidents idi napalabas a bulan bayat a maysa met ita bulan no sadino daytoy ket ti kauddian nga uram sadiay Carantes Compound, Camp 7, Baguio City idi laeng kalman.
Sigun kenkuana, kaadduan kadagiti napasamak nga uram ket pakairamanan dagiti structural fire.
Imbinglayna pay nga idi napalabas a tawen ket dagiti kadawyan a rason a nangitunda iti uram ket ignition dagiti electrical kit, ubbing a nagay-ayam iti posporo, dagiti upos ti sigarilyo, loose connection ken dadduma pay.
Gapu iti dayta, nagpalagip manen ni Furigay iti publiko a nasken a sukimaten dagiti electrical appliances, ken dagus metlaeng nga iyawag iti opisinada wenno iti hotline number-da uray bassit nga uram tapno saan nga agramaram daytoy.//via Bombo Noveh Organo
