Indeklaran ti Department of Agriculture (DA) ti food security emergency kalpasan ti sumagmamano a lawas a panangplanoda iti daytoy.
Ti nasao a tignay ket maysa a pamuspusan tapno risutin ti ngumatngato a presyo iti bagas iti pagilian a dimmanon iti P50 agingga P60 tunggal kilo.
Babaen iti daytoy, mairuar dagiti buffer stocks iti bagas manipod kadagiti National Food Authority (NFA) warehouses tapno mailako kadagiti local markets iti agingga P38 tunggal kilo laeng.
Manamnama met a pakabuklan a 300,000 metric tons iti bagas iti iruar ti Department of Agriculture nu sadino, 30,000 kagaditoy ti mairuar tunggal bulan.
Gapu iti dayta, posible nga agingga iti sangapulo a bulan nga agbayag ti food security emergency.
Kagiddan dayta, manamnama met nga agreplenish ti NFA manipod iti ani dagiti local farmers.
