Kinidaw ni sigud a President Rodrigo Duterte dagiti mangsupsuporta kenkuana a liklikanda ti agkomento iti agtultuloy a kasona nga Crimes Against Humanity iti International Criminal Court.
Bayat ti panagtitipon idiay The Hague a mangrambak iti maika-walo pulo a panagkasangay ni Duterte, indanon ni Vice President Sara ti sumagmamano a mensahe manipod iti amana, karaman ti kiddawna kadagiti “supporters” daytoy a palubosanda a maituloy ti ligal a proseso nga awan ti pannakibiang ti ruar.
Indagadagna pay kadagiti mangsupsuporta kenkuana a suportaanda dagiti kandidato ti PDP-Laban nga agngayangay iti kina-senador iti umadanin nga eleksion.
Impadamag pay ni VP Sara ti kiddaw para iti media ken supporters a mangraem kadagiti protocol ti ICC babaen ti panagkedkedda a mangala ti video ken ladawan iti detention center ti korte.
