Nangipaulog ti Court of Appeals iti freeze order para kadagiti 836 a bank accounts a kukua dagiti indibidual ken korporasyon a maim-imbestigarar gapu iti maatap a pakairamananda iti saan nga umno a panangaramat iti pundo para kadagiti flood control projects.
Sigun iti Anti-Money Laundering Council na-freeze metlaeng dagiti 12 nga e-wallets, 24 nga insurance policies, 81 a motor vehicles ken 12 a real estate.
Gapu iti dayta, mapatpatta nga agbalor dagitoy iti P2.9 billion ngem possible pay a manayunan bayat a manarimaan ti imbestigasyon.
Kinuna ni Anti-Money Laundering Council executive director Matthew David a ti panggep dagitoy iti panangipaulog iti freeze order ket tapno masalakniban ti pundo ti publiko, marekober dagiti namisused a pundo ken tapno madusa dagiti karaman iti daytoy.
