--Ads--
Pinaglibakan ni actress Gretchen Barretto ti alegasyon a maatap a karaman daytoy iti pannakapukaw dagiti sabungero.
Daytoy ket kalpasan nga inkonsidera ni Justice Secretary Jesus Crispin Remulla a suspek daytoy kaduana ni businessman Atong Ang iti nasao a kaso ken karaman dagitoy a maimbestigaran.
Naammuan daytoy kalpasan nga innaganan ni Julie “Dondon” Patidongan wenno alyas Totoy a ni Atong ti mastermind iti pannakapukaw dagiti sabungero.
Kabayatanna, impetteng ni Atty. Alma Mallonga, ti legal counsel ni Barretto a maki-cooperate dagitoy kadagiti otoridad para iti imbestigasyon.
Innayonna a prioridad ni Barretto a makitinnulong bayat nga ur-urayenna ti resulta ti proseso ti imbestigasyon seknan iti nasao a kaso.
