Nabigbig ti Happy Hollow National High School ti maysa a farm school iti siudad ti Baguio kas 2025 AIA Outstanding Healthy Eating Award gapu iti organic farming initiative dagitoy.
Nakaawat dagitoy iti premyo nga US$15,000 wenno agarup PP840,000 para iti programa dagitoy a Project O.R.G.A.N.I.C. (Offering Resources of Growing Agri-product and Nutrition in Community).
Sigun kenni Teacher Aries Busacay, panggep ti nasao a programa a makatulong kadagiti estudyante para iti nasalun-at ken naragsak a panagbiag babaen kadagiti agricultural activities.
Iti sidong ti nasao a programa, nasanay dagiti 168 Grade 12 students iti sidong ti Organic Agriculture Production (OAP) no sadino nagmula dagitoy iti nateng kas ti mustasa babaen iti panagaramat iti organic methods ken recycled materials.
Immunan a nangabak dagiti learners iti nasao a pagadalan iti national level idi March 2025 a nagresulta tapno dagitoy ti mangibagi iti Pilipinas iti international level a naangay sadiay Vietnam idi bulan iti Hulio 2025.
