Makidkiddaw ti hustisya para iti iti nasarakan a bangkay ti Pinay Overseas Filipino worker a nasarakan iti paraangan ti amona sadiay Kuwait.
Ti nasao nga Overseas Filipino worker ket naireport a mapukpukaw dua a bulan ti napalabas.
Nabigbig daytoy a ni Dafnie Nacalaban, a sigun iti kabsatna ket addaan daytoy iti plano nga agawid iti Pilipinas idi laeng napalabas a bulan.
Sigun kenni Michael Nacalaban Lensahan ti kabsat ti biktima, panggep ti kabsat dagitoy nga agawid ngem saanna laeng nga imbaga ti umno nga aldaw.
Malaksid iti dayta, awan metlaeng ti imbaga daytoy a problema ti kabsatna bayat ti panagsarita dagitoy.
Naammuan laeng a mapukpukaw ti biktima idi inreport ti kabsat ti suspek a mapukpukaw daytoy.
Kiddaw met ni Micheal a maiyawid ti bangkay ti biktima iti Pilipinas ken maipaayan daytoy iti hustisya no anna ti pudno a napasamak kenkuana.
Kinuna met ni Department of Foreign Affairs Undersecretary Eduardo de Vega a naarestar ken nakabalud ti suspek no sadino addaan metlaeng daytoy iti criminal record.
Impasiguradona pay iti pamilya ti biktima nga aramiden ti gobierno ti Pilipinas ti kabaelanda tapno maipaay ti hustisya.
