--Ads--
BAGUIO CITY – Pagbalbalinen dagiti drivers ken passerby a pagbasuraan ken comfort room ti igid ti kalsada idiay Cresencia Village, Baguio City partikular idiay Bado Dangwa.
Daytoy ti kinuna ni Barangay Captain Leonida Boragay kalpasan a naobserbaranda nga ado a basura ti nagkaiwara kadagiti pagparadaan iti masakupanda a barangay.
Innayonna a naangot pay ti igid ti kalsada gapu iti isbu ken rugit ti tao.
Gapu iti daytoy, kiniddaw ni Boragay a mapagbalin laengen a one lane ti pagparparadaan dagiti drivers tapno saanda a pagistambayan daytoy.
Inyunay-unay ti nasao nga opisyal a kanayonda a bagbagaan dagiti agtamtambay a drivers ngem saanda a dumdumngeg.
