--Ads--
BAGUIO CITY- Agtultuloy a suksukimaten dagiti otoridad ti napasamak manen a pammaltog sadiay Brgy. Bolbolo, Pilar, Abra .
Nabigbig ti biktima a ni Kagawad Marlon Tabaday Tanurio,agtawen ti lima pulo ken agnanaed iti nasao a barangay.
Maibasar iti inisyal nga imbestigasyon, pasado alas singko ti Abril 2 idi naawat dagiti otoridad ti impormasyon iti napasamak a pammaltog.
Iti panagresponde dagitoy, nadanonanda ti biktima a dara-dara iti katri ti pagtaenganda.
Sigun iti live-in partner ti biktima, nakangeg daytoy ti putok iti kapada nga oras ken idinto ta riingenna koma ti biktima ket nakita laengen a dara-dara ti ulo daytoy.
Manarimaan met ti imbestigasyon iti motibo ken pakabigbigan ti suspek iti nasao nga insidente.
