--Ads--
BAGUIO CITY – Ibingayan ti lokal a gobierno ti Baguio iti COVID-19 vaccines dagiti kabangibang daytoy a lugar kas iti Benguet ken dadduma a paset ti Cordillera.
Impasigurado daytoy ni Mayor Benjamin Magalong kagiddan ti panakakumpirmar ti order ti siudad a 380,000 a COVID-19 vaccine doses manipud iti pharmaceutical company nga AstraZeneca.
Kinunana a nakipaset dagiti tallo a munisipyo ti Benguet iti negosasyon para iti panaggatang ti bakuna iti nasao a kompanya ngem saanda a nakaisumitir kadagiti kasapulan a dokumento.
Immunan a dinakamatna a posible nga agsobra ti bakuna a gatangen ti siudad para kadagiti umili ti Baguio isut gapuna nga idonarda daytoy kadagiti kabangibang a lokal a gobyerno.
