KAPANGAN,BENGUET- Makidkiddaw ti anus ken pannakaawat dagiti motorista a dumalyasat iti Barangay Datakan partikular iti Gov. Bado Dangwa National Road.
Kasaruno daytoy iti nargaay a kalasada sadiay.
Iti interview ti Bombo Radyo kenni Kapangan Municipal Mayor ken Board member Elect Manny Fermin, kinunana a mabalin laeng a dumalyasat dagiti motor iti nargaay a paset ti nasao a kalsada.
Makidkiddaw kadagiti dadduma a motorista a magna dagitoy iti Datakan- Labueg- Paykek Road.
Kabayatanna, kinuna ni Mayor Fermin nga addan ti nailatang a pundo iti nasao a paset ti kalsada.
Nupay kasta, saan paylaeng matutukan gapu iti masansan a panagtudtudo sadiay.
Impanamnama met daytoy a dagus nga ipakaammoda iti kanito a mailukat ti nargaay a paset ti kalsada.
Mainaig iti dayta, bamtanyanda dagiti kalsada iti Boklawan Area idiay Amburayan iti posible a panagreggaay a mapasamak nangruna ita a panagtutudo.//mp4
