Pinasingkedan manen ti Philippine National Police (PNP) a ti “Oplan Katok,” ti door-to-door campaign a mangpuntiria kadagiti paltog nga expired ti lisensiana, ket makatulong tapno maipasigurado a natalged ti 2025 national and local elections.
Sigun kenni Philippine National Police (PNP) Chief Police General Rommel Marbil, ti addang ket addaan panggep a suportaran ti agtultuloy nga election gun ban.
Nupay kasta, indagadag ni Commission on Elections (Comelec) Chairman George Garcia iti PNP a masuspindir ti Oplan Katok kabayatan ti election period, ken impakdaarna a mabalin a mangimula daytoy iti buteng kadagiti botante ken mausar a pakagunggonaan ti sumagmamano a kandidato.
Nangrugi ti panawen ti eleksion idi Enero 12, 2025, agraman ti pannakaiparit ti paltog iti intero a pagilian nga agpaut agingga iti Hunio 11—maysa a bulan kalpasan ti eleksion ti Mayo 12—tapno malapdan ti kinaranggas a mainaig iti eleksion.
Indepensa ni Marbil ti kampania, nu sadinno kinunana nga ipatungpal laeng ti PNP ti Republic Act No. 10591 wenno ti Comprehensive Firearms and Ammunition Regulation Act, a mangikalikagum kadagiti agtagikua iti paltog a pabaruen ti lisensiada.
Dagiti saan nga agtulong ket ket mabalin nga agtungpal iti pannakaikkat dagiti pribilehio iti paltog ken posible a makumpiskar dagitoy.
Kabayatanna, maibasar iti datos, dandani 17,000 gun licenses ti napabasaro, ken nasurok 10,000 a paltog ti naipaay para iti “safekeeping” iti nasao a programa.
