--Ads--
Naituding a mangipila ti Commission on Audit (COA) iti kanayonan a reklamo kontra kadagiti private companies ken indibidual a mapapati a karaman kadagiti naanomalyaan a flood control projects sadiay Bulacan.
Kasaruno daytoy ti panangisumitirda iti fraud audit reports iti Office of the Ombudsman a mangipakpakita kadagiti lima a ghost wenno substandard flood control projects sadiay.
Gapu iti dayta, daytoy ti basaranda iti panangipila iti criminal complaints kontra kadagiti contractors ken dagiti sigud a Department of Public Works and Highways (DPWH) officials.
Dagiti mapilaan iti reklamo ket pakairamanan ti Wawao Builders, St. Timothy Construction Corporation, ken ti SYMS Construction Trading.
