Naiproklamar amin dagiti nangabak iti 2025 national ken local elections iti rehiyon Cordillera malaksid kenni Benguet Congressman-elect Eric Yap.
Dayta ket sigun kenni Atty. Julius Torres, Regional Director iti Commission on Elections-Cordillera.
Gapu iti dayta, mauray ti agbalin a desisyon ti COMELEC second division seknan kenni Benguet congressman-elect Yap.
Immunan a kinuna ni Congressman Yap a resrespetoenna ti desisyon ti main office ken nakasagana daytoy a makikooperate kadakuada.
Mangnamama pay ni Congressman Yap nga iti kabiitan a panawen ket maiproklama daytoy kas nabutosan a kongresista iti Benguet.
Maipalagip a naitantan ti proklamasyon ni Cong. Yap idi Marso 13, 2025 gapu iti pending disqualification case daytoy seknan iti issue ti citizenship.
Kabayatanna, kinuna ni Atty. Torres nga awan pay ti naaw-awat daytoy nga election protest iti rehiyon Cordillera.
