BAGUIO CITY – Nagulo ita ti kasasaad dagiti paryentes ken estudyante a nakapila para iti enrollment ti Senior High school iti Baguio City National High School.
Iti ekslusibo a panakiuman ti Bombo News Team kadagiti maseknan, pagamkanda ti posible a panakaibos ti slot para iti nasao nga enrollment iti nasao a pagadalan.
Kinunada pay a sumagmamano kadagitoy ken nagpila iti sangwanan ti pagadalan iti ala ona ti parbangon iti namnamada a makaala ti maysa nga slot manipud iti 800 nga slot.
Sumagmamano kadagiti ag-enroll nga agtutubo ket naturog iti igid ti kalsada ken saan a simrek iti trabaho dagiti daduma a nagannak tapno laeng masigurado a maka-enroll ti annakda.
Sumagmamano pay kadagitoy ket nadismaya gapu ta sumagmamano kadagiti sayangguseng ket awanen ti available nga slot ita nga aldaw gapu ta maatap nga ipangpangruna ti pagadalan dagiti na-entertainda nga enrollees idi kalman.
Sigun kenni Emily Ramos, maysa kadagiti nagannak a nagpila, naiwaragawag kadagiti group chats dagiti estudyante a naala aminen dagiti slots dagiti strands malaksid iti TVL ken Sports sipud pay idi kalman.
Arungaing met dagiti nagannak ken estudyante a suroten ti pagadalan ti impablaakda nga eskedyul para iti nasao nga enrollment.//Bombo Jez Lapizar & Bombo Marinel Rodrigo
