BAGUIO CITY- Dakkel ti bimmabaan ti kaso ti influenza-like illness iti Baguio City idi bulan ti Abril nu idilig iti bilang ti kaso idi napan a tawen.
Sigun iti City Health Services Office, 18 nga kaso ti COVID-19 ti naireport manipod April1-30 ti agdama a tawen a katukad ti 99.41% a panagbaba manipod iti kaso idi April 2021.
Awan met ti nailista nga pimmusay iti nasao a sakit kabayatan ti nadamat a panawen nu idilig iti 81 a nailistad iti napan a tawen.
Dumanon met iti 5 agingga 52 ti age range dagiti pasiente ken 63% kadagitoy ket babbai.
Nailista met ti 7 a kaso ti influenza-like illness idi napan a bulan ti abril ti agdama a tawen wenno 74.07% a panagbaba manipod iti nailista idi 2021.
Awan met ti clustering ken pimmusay kadagiti nailista a sakit idi napan a bulan ngem agtawen iti 19 agingga 76 dagiti nakaptan ken 85.7% kadagitoy ti lallaki.
Nupay bumabbaba ti naso nga kaso, ipalpalagip latta dagiti otoridad ti agtultuloy a panagannad ti publiko babaen ti obserbasyon ti minimum public health standards ken panagbakuna kontra COVID-19.
Kabayatanna, ngimmato met ti kaso ti dengue fever ken foot-and mouth disease a nailista ti Baguio City idi napan a bulan ti Abril.
Dumanon iti 33 ti nailista nga kaso ti dengue fever manipod Abril 1-30 wenno nadoble iti 4 a bilang ti nailista idi April 2021 nu sadinno agtawen iti 5 a bulan agingga 58 dagiti nakaptan a kaadoan ket babbai.
Awan met ti nailista nga pimmusay ita nga tawen nu idilig iti maysa idi April 2021.
Nabigbig met ti clustering ti dengue fever iti barangay Bakakeng Central, San Luis, Village ken Balsigan.
Nailista met ti 6 a kaso ti hand foot and mouth disease idi April 1 agingga 30 ngem awan met ti pimmusay ken kaadoan kadagiti nakaptan ket agtawen iti 2 agingga 3 nga ubbing.
Karaman kadagiti nailista ti maysa a kaso ti Irisan, 2 iti Lourdes Subdivision Proper; dua iti Camp 7 ken maysa iti Bakakeng Central.
Imballaag met ni Mayor Benjamin Magalong ken ni CHSO Head Dr. rowena Galpo kadagiti residente nga agridam kontra iti sakit nga dengue babaen ti panagarimad iti 4S strategy wenno kanayunan a panagdalus tapnu madadael dagiti posible a pagitlogan ken pagbalayan dagiti lamok.
Idiayada met ti panagtalinaed ti nadalus nga hygiene nangruna iti hand foot and mouth disease a kadawyan a mailislista kadagiti ubbing.
