Dumanonen iti uppat a pulo ket walo nga indibidual ti nailista a kaso ti Firework Related Injuries iti rehiyon Cordillera iti naglabas a paskua ken iti panangsarabo ita a baro a tawen.
Dua met ti nailista a nadangran gapu paylaeng iti stray bullet.
Kaaduan a nakailista iti firework related injuries ket sadiay Abra a dumanon iti sangapulo ket dua, Baguio ken Kalinga a sag-siyam, Mountain Province a lima, ken Benguet ken Ifugao a sag-maysa.
Dagiti nadangran iti daytoy ket agtawen iti uppat agingga walo pulo ket uppat.
Kaaduan kadagiti nadangran ket lallaki a dumanon iti tallo pulo ket pito no sadino nagsagrap iti eye injury dagiti sangapulo ket dua, tallo pulo ket maysa ti burn injuries nga awanan iti amputation ken tallo a kaso ti burn injury nga addan iti amputation, ken dua a multiple injuries.
